Dette er normalmodus for baneverktøyet. Du teiknar banen ved å klikka der du vil ha kontrollpunkta. Du kan flytte kontrollpunkta ved å klikka på dei og dra dei dit du vil. Mellom kontrollpunkta finn du segmenta.

Tala viser stega for å teikne ein rett bane med to segment.

Det er lett å laga boga segment ved å dra eit segment eller eit kontrollpunkt (ein node). (Kurva er på biletet indikert med blå piler). Det kjem også fram to «handtak» som du tar tak i når du vil bøye kurva.

	Tips
	For raskt å lukka kurva, klikk på det første kontrollpunktet. Viss du ønskjer å setja startnoden ein annan stad, hald nede Shift og klikk for å fjerna markeringa av sluttnoden og flytt så startnoden. Du kan bruka knappen Opprett utval frå bane eller knappen Bane til utval i ddialogvindauget for banar for å omforma banen til eit utval.

	Tips
	Når du har to handtak vil dei normalt arbeide symetrisk. Slepp opp museknappen for å flytte handtaka kvar for seg. Trykk ned Shift-tasten for å få dei til å arbeida symmetrisk igjen.

Fleire funksjonar er tilgjengelege når du brukar utformingsmodus:

Setja inn ein ny node: Når du trykkje inn Ctrl og held musepeikaren over den gjeldande banen, endrar musepeikaren seg til ein «+». Klikkar du, vert det sett inn ein ny node der musepeikaren er på banen.

Flytt ein eller fleire noder: Modus vert markert ved at musemarkøren har form som eit kors av fire piler. Du kan klikke og dra med dette verktøyet. Ved å halda nede Shift-tasten, kan du velja fleire noder ved å klikka på dei og flytta dei ved klikk og dra. Held du nede tastekombinasjonen Ctrl+Alt, kan du flytta heile banen i eitt stykke.

Endra handtaka: Du må først ha redigert ein node for å få fram handtaket. Dra i handtaket for å bøya kurva. Hald nede Shift-tasten for å få fram symmetriske handtak.

Endra segment: Når musepeikaren er over eit segment (linja mellom punkta), vil musemarkøren endra utsjånad til 4-pilskrossen. Klikk og dra for å bøya segmentet. Så snart du byrjar å flytta markøren, vil handtaka dukke opp i begge endar av segmentet. Held du nede Shift-tasten vert handtaka symmetriske.

Leggja til ny underbane: Når du trykkjer Shift og held musepeikaren på utsida av den gjeldande banen viser musepeikaren eit kvadrat. Klikkar du nå, vert det laga ein ny bane som ikkje er kopla til andre banar, men vert sett på som ein del av banen.

Rediger utfører funksjonar som ikkje er tilgjengelege når du er i Lag-ny-modus. Du kan berre redigera på banar som finst. Kjem peikaren utanfor banen, vert utsjånaden endra til eit «forbodsskilt». Du kan ikkje gjera noko som helst med banen.

Legg til eit segment mellom to noder: Klikk på ein node for å gjera banen till den gjeldande. Musemarkøren vil endra seg til eit unionsymbol. Klikk på ein annan node for å lenkja desse saman. Dette kan vere nyttig når du skal lenkja saman opne (ikkje lukka) komponentar.

Fjerna eit segment frå banen: Hald nede tastekombinasjonen Shift+Ctrl medan du peikar på eit segment. Musemarkøren endrar seg til «-». Klikk for å fjerna segmentet.

Legg til ein node i ein bane: Peik på eit segment. Musepeikaren endrar utsjånad til «+». Klikk der du vil ha den nye noden.

Fjern ein node: Held du nede tastane Shift+Ctrl medan du peikar på ein node, vil musepeikaren skifta til «-». Klikk for å fjerna noden.

Legg handtak til ein node: Peik på noden. Peikaren skifter til ei lita hand. Flytt på noden og handtaka dukkar opp. Shift-tasten skifter mellom symmetriske handtak eller ikkje.

Fjerna eit handtak frå ein node: Hald nede Shift+Ctrl medan du peikar på eit handtak. Peikaren skifter ikkje til det venta minusteiknet, men er framleis ei lita hand. Klikk på handtaket for å fjerna det.

	Obs
	Du får ingen åtvaringar før du fjernar ein node, eit segment eller eit handtak.

Når du er i Flyttemodus kan du flytte ein del av banen eller alle delane i ein bane ved å klikke og dra.

Har du fleire element, vert berre dei markerte elementa flytta på. Klikkar og dreg du utanfor ein bane, vert alle elementa flytte. Shift-tasten skiftar mellom å flytta alle eller berre utvalde element.

Viss denne er merkt, kan du kan du velja farge for banefyll ved å trykkja på fargeknappen.

Viss denne er merkt, vert banen fylt med eit mønster. Du kan velja mønster ved å trykka på knappen eller skriva inn namnet på mønsteret.

Slår du på denne, kan du fjerna eller redusera kantutjamninga som kan dukka opp på kantane.

Du kan finna meir om dette i Utglatting i ordlista.

Viss denne er merkt, kan du kan du velja farge for banen ved å trykkja på fargeknappen..

Viss denne er vald, vil banestroket utførast med eit mønster. Du vel mønster ved å trykkja på ressursknappen eller ved å skriva namnet på mønsteret.

Dette er ulikt Strek-mønsteret. Viss du vel eit av dei to fargealternativa utan strekmønster, vert det teikna ei ubroten linje i fargesettet i verktøykassen. Viss du vel «Mønster utan strekmønster», vert det teikna ei ubroten linje med det mønsteret som er vald i verktøykassen. Viss du vel ei linje med eit strekmønster, vert fargen eller mønsteret framleis bestemt av fargen eller mønsteret sett i verktøykassen. Det vil seia at viss du har eit marmorert mønster sett i verktøykassen og vel Mønster og stipl linjer som Strekmønster, vert strekane teikna med det marmorerte mønsteret.

Slår du på denne, kan du fjerna eller redusera kantutjamninga som kan dukka opp på kantane.

Kurva strekar og strekar som vert teikna på skrå, vert lett nokså taggete. Kantutjamninga glattar ut streken.

Du kan finna meir om dette i Utglatting i ordlista.

Her kan du bestemma i tekstboksen kor brei stroket skal vera. Normalt vert denne oppgjeve i pikslar, men du kan også velja andre måleeiningar i nedtrekkslista.

Her bestemmer du korleis avslutninga på opne banar skal sjå ut. Du kan velja mellom Butt, Rund og Kvadrat.

Her bestemmer du korleis hjørna skal sjå ut. Du kan velja mellom Skarp, Rund eller Skrå.

Når to segment av ein bane vert «gjæra» saman, vert overlappinga bestemt av gjæringsgrensa. Med breie strekar utan fuging, vert samankoplinga skjemd av endar som stikk ut. Fugegrensa bestemmer korleis det opne gapet i samankoplinga skal fyllast ut. Du kan setja verdien mellom 0,0 og 100,0 ved hjelp av glidebrytaren eller ved å skriva i tekstboksen eler bruka pilene der.

Figur 14.136. Eksempel på gjæringsgrenser

Venstre bilete: Grense = 0. Høgre bilete: Grense = 5.

Strekmønsteret vert vist på pikselnivå som ein serie med små boksar. Du kan endra mønsteret for desse boksane. Det svarte området med loddrette strekar svarar til ein piksel i streken. Klikkar du på ein svart piksel, vert han fjerna frå streken. Klikkar du på ein kvit piksel, vert han lagt til streken. Det grå området indikerer korleis mønsteret vert gjenteke når det vert teikna ei strekelinje.

I staden for å laga dine eigne strekmønster, kan du velja eitt i nedtrekkslista Mønsteret vert vist i området Strekmønster for å gje deg ein ide om korleis det ser ut.