Eit «bane»-ikon fortel om redigeringa av den gjeldande banen er låst (fråkopla) eller ikkje. Trykk på ikonet for å veksla mellom låst og ulåst.

	Notat
	Fram til GIMP 2.10.32 vart dette kala Lås banestroka. Det namnet vart sett på som tvetydig, fordi omgrepet strok også vart brukt for å styra linjer langs ein sti, som dette alternativet ikkje endrar.

Eit «kryss med piler»-ikon fortel om den gjeldande baneplasseringa er låst eller ikkje. Når plasseringa er låst, kan banen ikkje flyttast. Trykk på ikonet for å veksla mellom låst og ikkje låst.

Dersom banen er synleg, vert dette vist med eit bilete av eit «ope auge». Dersom banen ikkje er synleg, vil det i staden vera ein blank plass der auget skulle ha vore. Med «synleg» meiner ein her at det vert vist eit spor av banen på biletet. Sjølve banen vert eigentleg ikkje ein del av biletet før han vert strekt opp eller teikna på. Du kan slå visinga av banen av ved å klikka på augesymbolet, og på ved å klikka på plassen der det skulle ha vore.

Til høgre for augesymbolet vert det vist eit «lenkjesymbol» dersom banen er lenkja saman med andre banar. Elles berre eit blankt område. At banane er lenkja saman betyr i denne samanhengen at dersom du t.d. skalerer eller på andre måtar omformar eit bilete, vil dette påverka alle biletdelane som er lenkja saman. Du kan slå lenkja av ved å klikka på lenkjesymbolet, og på ved å klikka på staden der det skulle ha vore.

Miniatyren viser ei skisse av banen. Dersom du klikkar på miniatyren kan du dra han over i eit bilete for å laga ein kopi av banen der.

Namnet på banen må vera unikt. Dersom du gjev banen eit namn som er i bruk frå før, vert det lagt til eit tal, t.d. «#1» etter namnet for å gjera det eineståande.

Sjå Ny bane. Held du nede Shift-tasten, vert det laga ein ny, tom, bane med dei sist brukte innstillingane utan å opna dialogvindauget for «Ny bane».

Sjå Løft bane. Held du nede Shift-tasten, vert banen flytt til øvst i lista.

Sjå Senk bane. Held du nede Shift-tasten, vert banen flytt til nedst i lista.

Knappen Dupliser banen lagar ein kopi av den gjeldande banen.

Omformar den gjeldande banen til eit utval. Sjå meir om denne prosessen under utval til bane. Du kan bruka kontrolltastane for å bestemma korleis det nye utvalet skal leggjast inn i høve til utval som finst frå før:

Held du nede Shift-tasten kjem det opp eit dialogvindauge med Avanserte innstillingar. Denne er truleg mest til nytte for utviklarane av GIMP.

Sjå Teikna opp banen. Held du nede Shift-tasten vert banen streka opp med dei sist brukte verdiane utan å opna dialofvindauget for å teikna opp banen.

Slett banen slettar den gjeldande banen.

Dette er berre ein annan måte å få tilgang til baneverktøyet på. Dette verktøyet vert brukt for å oppretta og forandra banar. Du kan også opna det frå verktøykassa eller med snartasten B.

Denne menyoppføringa lovar nok meir enn ho kan halda, for det einaste du kan bruka ho til, er å gje banen eit nytt namn i dialogvindauget som dukkar opp. Du kan oppnå det same ved å dobbeltklikka på banenamnet i banedialogvindauget.

Fargetagg opnar ein undermeny, lik den i dialogvindauget for lag, der du kan velja fargetagg for den valde banen.

«Ny bane» opprettar ein ny bane og legg denne til lista i banedialogvindauget og gjer han til den gjeldande banen. Du får også opp dialogvindauget for å gje den nye banen eit namn. Den nye banen har ingen former for ankerpunkt, så du må bruka baneverktøyet for å leggja inn slike punkt før du kan bruka banen til noko som helst.

Denne kommandoen flyttar banen eitt steg oppover på lista i banedialogvindauget. Kva plass banen har i lista betyr ingenting for bruken av banen, men det kan vera til litt hjelp for å halda oversynet.

Denne kommandoen flyttar banen eitt steg nedover på lista i banedialogvindauget. Kva plass banen har i lista betyr ingenting for bruken av banen, men det kan vera til litt hjelp for å halda oversynet.

Dupliser bane lagar ein kopi av den gjeldande banen, gjev kopien eit unikt namn, legg han til i lista i banedialogvindauget og gjer han til den gjeldande banen i biletet. Banekopien vert synleg berre viss den opphavlege banen er synleg.

Knappen Slett banen vert brukt for å fjerna den gjeldande banen frå lista og biletet.

Dersom du klikkar på denne, vert alle synlege banar i biletet, dvs. banar som har synleg augesymbol i banedialogvindauget, henta fram og sett saman til delar i ein og same bane. Dette kan vera nyttig dersom du ønskjer å streka dei opp med t.d. det same strekmønsteret.

Alle desse kommandoane omformar den gjeldande banen til eit utval og kombinerar dette på ein eller annan måte med utvalet som finst frå før. (Unntaket er Bane til utval som erstattar det gjeldande utvalet med det nye laga frå banen). Eventuelle opne banar vert lukka med ei rett linje mellom det første og det siste ankerpunktet. Dei «marsjerande maura» som markerer grensa for utvalet, vil følgja nokså nøyaktig der banen var, men vent ikkje at resultatet skal verta perfekt.

Du har tilgjenge til denne operasjonen på fleire måtar:

Utval til bane lagar ein ny bane frå omrisset av det gjeldande utvalet. Som oftast vil banen følgja «dei marsjerande maura» som viser omrisset, men av og til kan det verta små avvik.

Konverteringa av eit todimensjonalt utval til ein eindimensjonal bane treng litt spesiell matematikk. Du kan forandra måten dette vert gjort på ved å opna dialogvindauget Avanserte innstillingar. Dette får du tilgang til ved å halda nede Shift-tasten medan du trykkjer på knappen Utval til bane () nedst i banedialogvindauget. Dialogvindauget gjev deg tilgang til 20 ulike innstillingar og variablar for denne omforminga, alle med kryptiske namn. Dette dialogvindauget er helst tiltenkt utviklarane, men kan kanskje også vera til litt nytte for den avanserte, eller eksperimentelle, brukaren. Normalt vil Utval til bane gjera det du ventar av han utan at du treng bry deg med korleis det går føre seg.

Du har tilgjenge til denne operasjonen på fleire måtar:

Fyll banen fyller alle områda avgrensa av banen med den gjeldande forgrunnsfargen eller det gjeldande mønsteret. SjåFyll bane for meir om dette.

Du har tilgjenge til denne operasjonen på fleire måtar:

Strek opp bane teiknar den gjeldande banen på det gjeldande biletlaget ved hjelp av ulike linjestilar og teiknemåtar. Sjå Strek opp bane og Strok for meir informasjon.

Klikk på denne for å leggja ein kopi av banen over i utklippstavla for banar slik at du kan lima han inn i andre bilete.

	Tips
	Du kan også kopiera og lima inn ein bane ved å dra miniatyren i banedialogvindauget over til eit biletvindauge.

	Notat
	Når du kopierer ein bane til eit biletet, er banen usynleg. Du må gjera han synleg i banedialogvindauget.

Når du klikkar på dette valet, vert banen som ligg i utklippstavla lagt inn i lista i banedialogvindauget. Den nye banen vert den gjeldande banen. Dersom det ikkje finst ein bane på utklippstavla, vert denne menykomponeneten slått av.

Ved hjelp av denne kommandoen kan du lagra ein bane i ei fil. Du får opp eit dialogvindauge der du kan velja filnamn og plassering. Denne fila kan du etter behov leggja inn i eit bilete ved hjelp av kommandoen Importer bane. Lagringsformatet for banefiler er SVG. Dette betyr at banefilene kan opnast i program for vektorgrafikk som t.d. Sodipodi og Inkscape. Sjå meir om SVG-filer og korleis dei kan brukast i GIMP i banar.

Klikk på denne for å laga ein ny bane frå ei SVG-fil. Du får opp eit dialogvindauge der du kan finna fram til fila. Sjå meir om SVG-filer og korleis dei kan brukast i GIMP i banar .