| 3.4. Dialogvindauget for mønsterelement | ||
|---|---|---|
|
3. Dialogvindauge relaterte til biletinnhaldet |  |
| 3.4. Dialogvindauget for mønsterelement | ||
|---|---|---|
|
|
3. Dialogvindauge relaterte til biletinnhaldet | |
I GIMP er eit mønsterelement eit lite bilete som vert brukt for å fylla ut område ved at kopiar av biletet vert lagt side om side. Du finn meir om dette, og om korleis du kan laga eigne mønsterelement, i avsnittet mønsterelement.
Mønsterelementa vert brukte med verktøya fyll og klone og i kommandoen fyll med mønsterelement.
Du vel mønsterelement ved å gå inn på dialogvindauget for mønsterelementa og klikka på det elementet du ønskjer. Det valde mønsteret vert vist i verktøykassa i området Penslar/Mønsterelement/Fargeovergangar. Det følgjer med eit nokså tilfeldig utval av mønsterelement når du installerer GIMP, men det er heldigvis lett å laga nye.
Vindauget «Mønsterelement» er eit dokkpanel som kan limast inn i andre dialogvindauge. Sjå nærare om dette i Del 2.3, «Dialogvindauge og dokkpanel».
Du har tilgang til det:
Frå verktøykassa ved å klikka på symbolet for mønsterelementet i området pensel/mønsterelement/fargeovergang (dersom du har merkt av for «Vis aktive penslar, mønsterelement og fargeovergangar» i «Brukarinnstillingane».
frå biletmenyen via → → ,
frå fanemenyen i kva dokkpanel som helst ved å klikka på fana 
og velja → ,
I innstillingane for kloneverktøyet og fyllverktøyet kjem det fram eit liknande dialogvindauge når du trykkjer på miniatyren som viser mønsterelementet. Her kan du velja mønsterelement frå ei liste. Du kan få fram det fullstendige mønsterdialogvindauget ved å trykkja på fyllsymbolet nedst til høgre i dialogvindauget. Avhengig av brukarinnstillingane du har gjort, vert eit mønsterelement vald med oppsprettmenyen berre brukt på det gjeldande verktøyet, ikkje for dei andre teikneverktøya. Sjå meir om dette i Del 1.7, «Verktøyinnstillingane».
I fanemenyen har du valet mellom og . I tabellmodus vert mønstra viste i ein todimensjonal tabell. Sidan du kan sjå forma på fleire mønsterelement samtidig, er det lett å velja det du har bruk for. I listemodus vert mønsterelementa sett opp i ei liste som også viser namnet på mønsterelementa.
![[Tips]](images/tip.png)
|
Tips |
|---|---|
|
I dialogvindauget vert alle mønsterelementa viste i same storleik. Dersom mønsterelementet er større enn denne ramma, vert berre ein del av elementet vist. Dette gjeld både i listemodus og i tabellmodus. Ønskjer du å sjå elementet i full målestokk, klikkar du på det og held nede museknappen ei lita stund. |
![[Notat]](images/note.png)
|
Notat |
|---|---|
|
I fanemenyen kan du finna kommandoen Storleik på førehandsvisinga som gjev deg høve til å velja mellom ulike visingsformat. |
Øvst i dialogvindauget finn du namnet på det gjeldande mønsterelementet og storleiken målt i pikslar.
I midten finn du eit oversyn over alle tilgjengelege mønsterelement med det gjeldande elementet utheva. Klikkar du på eit av dei andre elementa, vert dette det gjeldande, noko som vert vist ved at det dukkar opp i verktøykassa.
I denne visinga vert mønsterelementa viste som ei liste saman med namn og format på kvart element. Klikk på ei rad i lista for å setja mønsteret som det gjeldande mønsteret i GIMP.
Dersom du dobbelklikkar på eit mønsternamn, får du høve til å skriva inn eit nytt namn. Dette er likevel avgrensa til å gjelda mønster du sjølv har laga eller lagt inn. Dei som følgjer med GIMP kan du ikkje gjera noko med. Rett nok kan du tilsynelatande endra namnet, men så fort du trykkjer Enter, vert det gamle namnet det einaste som er i bruk.
Alt i listemodus verkar elles slik det gjer det i tabellmodus.
Trykk på denne knappen for å laga ein kopi av det gjeldande mønsteret. Kopien vil få same namnet som originalen, men med «kopi» i tillegg.
Fjern mønsterelement
Trykkjer du på denne knappen, vert mønsterelementet fjerna både frå dialogvindauget og frå den personlege patterns-mappa di. Merk at du kan fjerna berre dei mønsterelementa som ligg i filer du har skrivetilgang til. Du kan såleis ikkje fjerna mønsterelement som vart installerte saman med GIMP eller er installerte i systemmappa patterns.
Oppdater mønsterelementa
Trykk på denne knappen for å la GIMP leite gjennom mønsterfilene for å leggja eventuelle nye mønsterelement til lista. Dette er enklare enn å starta GIMP på nytt for å lasta inn nye mønsterelement du måtte ha lagt til i mappa.
Opne mønsterelement som bilete
Klikk på denne knappen for å opna det gjeldande mønsterelementet i eit nytt biletvindauge slik at du kan redigera det. Diverre kan du (førebels) normalt ikkje lagra resultatet som «.pat»-fil, sjølv om du gjev det nytt namn. Du får meldinga «Denied permission» (ikkje tilgang) fordi desse biletfilene er i «root». Sidan Windows på dette området er meir open, kan du derimot lagra dersom du brukar denne plattforma.
Du kan få fram denne menyen ved å høgreklikka på eit mønster. Denne menyen gjev deg stort sett dei same vala som er tilgjengelege frå knappane nedst i dialogvindauget. Desse operasjonane er dokumenterte her.
Du kan bruka taggar for å reorganisera visinga av palettane. Sjå Del 3.7, «Tagging».
Når du brukar kommandoane kopier eller klipp ut, vert det lagt inn ein kopi av biletmønsteret i øvre, venstre hjørne i dialogvindauget for mønster. Denne vert ståande til du brukar kopier- eller klipp ut-kommandoen igjen. Biletet forsvinn når du lukkar GIMP.
|
|
Notat |
|---|---|
|
Mønsteret kan lagrast med kommandoen → → når det er synleg i dialogvindauget. |
