GIMP er eigentleg ikkje laga for å brukast som teikneprogram. ^[4] Det er likevel fullt mogleg å laga teikningar anten slik det er forklart i Del 14.1, «Å teikna ei rett linje» eller ved å bruk eit av utvalsverktøya slik vi vil visa det her. Sjølvsagt finst det mange måtar å gjera det på, men vi vil halda oss til dei enklare. Så, opprett eit nytt bilete og forsikra deg om at forgrunns- og bakgrunnsfargane er ulike.

Figur 7.37. Å laga eit rektangulært utval

Biletet viser korleis du kan laga eit rektangel med rektangelutvalet.

Grunnleggjande figurar som rektangel og ellipse er lette å få til ved hjelp av utvalsverktøya. Her vil me bruka rektangelutvalet som eksempel. Klikk på dette i verktøykassa og lag eit utval på teikninga di. Dette gjer du ved å klikka der du ønskjer det øvre, venstre hjørne av utvalet skal vera og flyttar musepeikaren (slik den raude pila viser på figuren Figur 7.37, «Å laga eit rektangulært utval») medan du held nede den venstre museknappen. Slutt når rektanglet er så stort som du vil ha det. Er du usikker på dette, kan du kikka nærare på Del 2, «Utvalsverktøya».

Figur 7.38. Eit rektangelutval fylt med forgrunnsfargen

Skjermbiletet syner eit rektangelutval fylt med forgrunnsfargen.

Når du har laga eit utval, kan du fylla dette medforgrunnsfarge ved hjelp av fyll-verktøyet , eller du kan teikna omrisset med kommandoen Strek opp utvalet i Rediger-menyen. Er du misfornøgd med resultatet kan du berre fjerna utvalet.