GIMP er eit kraftig biletredigeringsprogram med utruleg mange verktøy og innstillingar for desse. Likevel er GIMP også veleigna for mindre oppgåver. Innføringane i dette kapitlet er meint for deg som har behov for å gjera mindre endringar i eit bilete utan å måtta studera datagrafikk eller å setja deg inn i alle finessane i GIMP.

Sjølvsagt håper vi at desse innføringane ikkje berre vil vera til hjelp for å løysa den aktuelle oppgåva, men kanskje også å inspirera deg til å ta i bruk nokre av dei meir avanserte metodane og verktøya seinare eingong når du får tid til det.

Det einaste du treng å kunna før du går vidare i kurset, er korleis du finn eit bilete og opnar det. (Fil → Opna frå biletvindauget).