5.9. Posterisering

5.9. Posterisering
	5. Fargeverktøya

Dette verktøyet blir brukt til å redusere talet på fargar i eit lag eller utval og likevel bevare karakteristikken i originalbiletet.

Du kan hente fram dette verktøyet anten

frå biletmenyen via Verktøy → Fargeverktøya → Posterisering eller Fargar → Posterisering
ved å klikke på symbolet i verktøykassa dersom verktøyet er installert der. (Installeringa er forklart i Del 5.1, «Verktøydialogen».

Figur 13.160. Innstillingane for verktøyet «posterisering»

Talet på fargenivå: Ved hjelp av glidebrytaren, eller innskrivingsboksane, kan du bestemme talet på fargenivå (2 - 256) som skal brukast i kvar av RGB-kanalane for å beskrive det aktive laget. Sluttresultatet blir ein kombinasjon av desse nivåa. Set du nivået til 3, vil dette gi 2³ = 8 fargar i det ferdige biletet.
Førehandsvising: Dersom denne er avkryssa, kan du sjå endringane direkte på biletet.

Figur 13.161. Eksempel på bruk av «posterisering»

Dette biletet bruker fire fargenivå. Histogrammet viser desse fire nivåa og 10 fargar inkludert svart og kvit.