Ved å bruka Lag → Nytt lag i biletmenyen. Dette hentar fram eit dialogvindauge som set deg i stand til å velja dei viktigaste eigenskapane for det nye laget. Sjå dialogvindauget for nytt lag for nærare omtale av desse eigenskapane.

Ved å bruka Lag → Kopier laget i biletmenyen. Dette vil leggja inn ein kopi av det gjeldande laget like over det aktive laget.

Ved å «klippa ut» eller «kopiera» eitt eller anna, og deretter limer det inn i biletet ved å bruka Ctrl + V eller Rediger → Lim inn ender du opp med eit «flytande utval». Eit slikt utval er ei form for eit førebels lag. Før du kan gjera noko som helst, må du anten forankre utvalet til eit eksisterande lag eller omforma det til eit normalt lag. Dersom du vel det siste, vert storleiken på det nye laget akkurat nok til å romma kopien.