Det kjem stendig til nye skrifttypar. Det er difor fornuftig å stikke innom GIMP sine offisielle sider om dette på Fonts in GIMP 2.0.

GIMP bruker «FreeType 2»-metoden for å teikna skrifttypar, og eit system som vert kalla «Fontconfig» for å handsama dei. Alle skrifttypane som er lagra i mappa til Fontconfig kan brukast i GIMP. I tillegg alle skrifttypane som ligg i søkjevegen for skrifttypar i GIMP. Du kan bestemma adressa til desse mappene i skrifttypar under dialogvindauget Innstillingar i hovudmenyen. Dersom det er sett opp ei systemmappe for skrifttypar, må du ikkje gjera endringar i eller fjerna denne. Derimot kan du leggja til nye skrifttypar eller gjera andre endringar i den personleg mappa fonts. Du kan også leggja til andre mapper for skrifttypar dersom dette er enklare enn å leggja skrifttypane inn i den personleg mappa di.

FreeType 2 er eit kraftig og fleksibelt system med støtte for desse filformata:

Dersom du har behov for det, kan du leggja til modular som støttar andre typar skriftfiler. Sjå på Internett under FREETYPE 2 [FREETYPE] for meir informasjon.

Linux. På eit Linux-system treng du berre leggja dei nye skrifttypane inn i mappa ~/.fonts dersom Fontconfig er sett opp på vanleg måte. Dette vil gjera skrifttypen tilgjengeleg for GIMP og alle andre program som nyttar Fontconfig. Dersom du av ein eller annan grunn ønskjer å avgrensa skrifttypen berre til bruk i GIMP, må du leggja skrifttypen inn i undermappa fonts i dei personlege GIMP-mappene dine. Dersom du treng dei nye skrifttypane i eit program som alt køyrer, må du trykkja knappen Oppdater () i skrifttypedialogvindauget.

Windows. Den enklaste måten å installera skrifttypar er å dra den aktuelle fila inn i mappa for skrifttypar og la Windows gjera resten. Dersom du ikkje har vore alt for kreativ med å omordna filsystemet, vil du som oftast finna skrifttypane anten i C:\windows\fonts eller i C:\winnt\fonts. Dersom du dobbeltklikkar på ein skrifttype, kan det henda han både vert installert og vist fram, andre gongar vert han berre vist. Denne metoden vil gjera skrifttypen tilgjengeleg for alle Windowsprogramma, ikkje berre GIMP.

Mac OS X. Det er mange måtar å installera skrifttypar på. Ein av måtane er å dra-og-sleppe dei i mappa «Fonts» i katalogen «Libraries» i «heimemappa» di. Du kan også bruka Font Book som vert aktivert ved å dobbeltklikka på skrifttypesymbolet i «Finder». Du kan då sjå korleis skrifttypen ser ut før du klikkar på dei du ønskjer å leggja til i maskinen din. Desse metodane gjer skrifttypane tilgjengelege for alle programma i maskinen, ikkje berre for GIMP. Dersom skrifttypane skal vera tilgjengelege for alle brukarane, kan du dra-og-sleppe dei i mappa «Fonts» i Mac OS X™ sine mapper, eller i mappa «Computer» i kolonnen Collection i Font Book.

For å installera Type-1 filer, treng du både .pfb- og .pfm-filene. Dra den fila som har eit ikon inn i mappa for skrifttypar. Den andre fila treng strengt tatt ikkje plasserast i same mappa, men det skader ikkje å gjera det.

I prinsippet kan GIMP bruka alle skrifttypane i Windows så lenge FreeType kan handsama dei. Har du skrifttypar som Windows ikkje har innebygde, installerer du desse i den private fonts-mappa di i GIMP-katalogen eller ein annan høveleg stad. GIMP på Windows har støtte for i det minste TrueType, Windows FON og Windows FNT. Windows 2000 og seinare har støtte for Type 1 og OpenType. Windows ME har støtte for OpenType og truleg også Type 1. Det mest brukte installasjonsprogrammet for GIMP har offisielt ikkje støtte for Windows ME, men ser ut til å klara det likevel.