| 5. Teikne rette linjer | ||
|---|---|---|
|
Kapittel 3. Dei første stega med GIMP |  |
| 5. Teikne rette linjer | ||
|---|---|---|
|
|
Kapittel 3. Dei første stega med GIMP | |
Denne innføringa er basert på tekst og bilete av Copyright © 2002 Seth Burgess. Du kan finne originalen på Internett [TUT01].
Denne innføringa viser korleis du kan teikna rette linjer med GIMP. Metoden som er vist her er uavhengig av kor nøyaktig teiknebrettet eller musa arbeider, men bruker i staden den reknekrafta som datamaskinen er utstyrt med for å laga figurar som ser både fine ut og samstundes er ordentlege. Meininga er ikkje å teikna komplekse figurar, men ein rask og enkel måte for å teikna rette linjer.
Førearbeid
Då skrivemaskinen vart oppfunnen, vart det også sett på ein ekstra tast for å skifta mellom små og store bokstavar. Denne tasten fekk naturleg nok namnet Skift-tasten. I dataverda bruker vi likevel det engelske namnet på tasten: «Shift». Som oftast har du to slike på tastaturet, ein nede til høgre og ein nede til venstre, noko slik som på biletet til venstre. I 1970 fann Douglas C. Engelbart opp datamusa. Datamusa kjem i mange variantar, men alle har minst éin trykknapp. Har musa fleire trykknappar, er det alltid den lengst til venstre som er «museknappen» og som skal brukast når det i oppskrifta står at du skal klikka. Som oftast flyttar du musa rundt direkte på skrivebordet eller på ei musematte.
Å laga ei blank teikneflate
Først lagar du eit nytt bilete. Dette gjer du ved å velja + frå menyen i verktøyvindauget. Storleiken på biletet er ikkje så viktig.
Vel eit verktøy
Alle verktøya i det avmerkte feltet på biletet ovanfor kan teikna strekar.
Sett av eit startpunkt
Etter at du har klikka på blyanten i verktøykassa, klikkar du ein gong på biletet der du vil byrja eller slutta linja. Det vil då dukka opp eit enkelt punkt der du klikka. Storleiken vil vera den same som penselstorleiken, som du eventuelt kan endra i penseldialogvindauget (sjå Del 3.2, «Penseldialogvindauget»). Trykk ned Shift-tasten og hald han nede for å byrja å teikna ei linje.
Å teikna linja
Etter at du har markert startpunktet, og framleis held nede Shift-tasten, kan du flytta musa eit stykke og vil då sjå ein rett strek som følgjer markøren. Trykk og slepp museknappen (som oftast den venstre). Heile tida medan du bruker må du også halda nede Shift-tasten.
Avslutning
Dette er ein kraftig funksjon. Du kan teikna rette linjer med alle teikneverktøya. Du kan også teikna fleire linjer ved slutten av denne linja. Det siste steget er å sleppa opp Shift-tasten og vi er ferdige. I neste avsnitt vert det vist nokre fleire eksempel. God GIMP-ing!
