Lagmaska vil gjere laget heilt ugjennomsiktig. Dette betyr at du ikkje vil sjå nokre endringar i biletet før du gjer laget meir eller mindre gjennomsiktig ved å teikna på lagmaska med ein mørk farge.

Lagmaska gjer laget heilt gjennomsiktig. Dette vert vist med sjakkbrettmønsteret. Ingen delar av laget er synlege før du gjer laget mindre gjennomsiktig ved å teikna på det med ein lys farge.

Med dette valet vert innhaldet i alfakanalen brukt for å fylle lagmaska. Sjølve alfalaget vert ikkje forandra. Gjennomsikta for delvis gjennomsiktige område vil auke og såleis gjere heile laget meir gjennomsiktig.

Denne gjer det same som valet ovanfor, men set samstundes alfalaget til fullstendig ugjennomsiktig. Dette resulterer i at all informasjonen om gjennomsikt nå ligg i maska. Det er tilsynelatande ingen forandringar på sjølve laget. Gjennomsikta for laget vert nå styrt av maska og ikkje av alfakanalen.

Dette valet omformar det aktive utvalet til ei maske slik at dei utvalde områda vert ugjennomsiktige, medan dei områda som ikkje er utvalde vert gjennomsiktige. Dersom nokre område er delvis utvalde, kan du bruka knappen for snarmaske som hjelp for å sjå korleis effekten vert.

Denne omformar heile laget til ei lagmaske. Dette er spesielt nyttig når du har planar om å leggja nytt innhald i laget seinare.

Med dette valet vert lagmaska sett opp med ei tidlegare oppretta utvalsmaske lagra i kanaldialogvindauget. Merk at dei normale RGBA-kanalane ikkje er med i denne lista, berre dei ekstra kanalane du har lagt til.