Først den superraske måten. Vel det området av biletet du vil laga pensel av ved å markera det med rektangel- eller ellipse-verktøyet. Kopier dette utvalet ved å trykkja på knappen Kopier. Du skal no kunna finna denne kopien i øvre, venstre hjørne i penseldialogvindauget under namnet «Utklippstavle». Denne kopien kan du no bruka som pensel.

Denne penselen er mellombels: han forsvinn når du lukkar GIMP. Med GIMP-2.10 kan du gjera han permanent ved å klikka på Dupliser denne penselen nedst i penselpanelet.

Figur 7.21. Utvalet vert ein pensel når du kopierer det

Den andre måten er litt vanskelegare.

Opprett eit nytt bilete med kommandoen Fil → Nytt med for eksempel høgd og breidd sett til 35 pikslar. I avanserte innstillingane kan du for eksempel setja Fargemodell til Gråtoner og Fyll med til Kvit.

Forstørr visinga av biletet og bruk ein svart blyant for å laga ei teikning på biletet.

Lagra det med filutvidinga .gbr i mappa /home/brukarnamn/config/GIMP-2.10/brushes/.

Klikk på knappen Oppdater penslane () i penseldialogen.

Du vil no sjå at penselen din dukkar opp saman med dei andre penslane i GIMP, klar til bruk, utan å starta GIMP på nytt.

Figur 7.22. Stega for å laga ein pensel

Teikna biletet og lagra det som pensel

Oppdater penslane

Bruk penselen