| 5. Slik lagar du snarvegar til menyfunksjonane | ||
|---|---|---|
|
Kapittel 12. Å tilpasse GIMP |  |
| 5. Slik lagar du snarvegar til menyfunksjonane | ||
|---|---|---|
|
|
Kapittel 12. Å tilpasse GIMP | |
Mange av funksjonane som er tilgjengelege frå biletmenyen kan også aktiverast frå ein tastatursnarveg. Har du funksjonar du brukar ofte, kan det vera ei lette i arbeidet å laga slike snarvegar til desse. Det er to måtar å gjera dette på.
Prosedyre 12.1. Å bruka dynamiske snarvegar
Først må du gå inn i menyen Brukarinnstillingar og krysse av for Bruk dynamiske tastatursnarvegar i Grensesnitt-delen av menyen. Normalt er dette valet deaktivert for å hindre at det vert laga uønskte snarvegar.
Når du først er her, kontroller at også Lagra tastatursnarvegane ved avslutning er avkryssa slik at dei nye snarvegane vert lagra.
For å laga snarvegen, plasserer du musepeikaren på kommandoen og skriv inn den ønskte tastekombinasjonen. Ikkje slepp opp tastane før den siste er skriven dersom du bruker fleire tastar. Pass også på at du heller ikkje leer musepeikaren, Du vil sjå at kombinasjonen dukkar opp til høgre for kommandoteksten.
For å unngå konfliktar med eksisterande kombinasjonar, bør du bruka Ctrl+Alt+Tast-sekvensar for dei nye snarvegane.
Prosedyre 12.2. Ved bruk av dialogvindauget for tastesnarvegar
Dialogvindauget for tastesnarvegar kan brukast til å tilordna snartastar. Ikkje berre for menykommandoar, men også for alle andre kommandoar og det treng ikkje å endra nokre preferansar.
