11.9. Fotokopi

11.9. Fotokopi
	11. Artistiske filter

11.9.1. Oversyn

Figur 15.187. Eksempel på bruk av filteret

Originalbiletet

Etter bruk av filteret “Fargekast”

Dette filteret gjer at det aktive laget eller den aktive markeringa ser ut som ein fotokopi i svart/kvit. Filteret analyserer eit område og set alle pikslar som er mørkare enn gjennomsnittet av nabopikslane til svart. Dei andre pikslane blir kvite.

11.9.2. Aktivisering av filteret

Du har tilgang til filteret frå biletmenyen via Filter → Artistisk → Fotokopi

11.9.3. Innstillingar

Figur 15.188. Innstillingane for filteret “Fotokopi”

Førehandsvising

Førehandsvisinga syner endringane i biletet etter kvart som du endrar parametra. Endringane blir ikkje lagt inn i biletet før du trykker på knappen OK.

Maskeradius

Som nemnd tidlegare, blir kvar piksel gjort svart eller kvit ut frå om pikselen er mørkare eller lysare enn gjennomsnittet for nabopikslane. Denne glidebrytaren bestemmer kor stort område som skal telje med i denne samanlikninga. Høge verdiar resulterer i store svarte område rundt kantane av område med kvitt, og lite detaljar i dei mørke områda. Låge verdiar gir mindre svart og meir detaljar i biletet.

Kontrast

Med denne glidebrytaren bestemmer du på ein skala frå 0,0 til 1,0 kor skarp kopien skal bli.

Svart (%)

Her bestemmer du kor stor prosentdel av dei formørka pikslane som skal bli svarte. Låge verdiar gir mjukare overgangar. Høge verdiar kan framheva kontrasten i biletet. Som oftast vil det mest naturlege vere å bruke ein verdi mellom 0,0 og 1,0.

Kvit (%)

Her bestemmer du kor stor prosentdel av pikslane som skal bli kvite.

	Tips
	Du kan bruke dette filteret for å gjere bilete skarpare. Lag ein kopi av biletlaget, bruk filteret på kopien. Sett modus til Multipliser og prøv deg fram med ulike grader av dekkevne.