2.7. Dialogen for angreloggen
Forrige  2. Dialogar for biletoppbygginga  Neste

2.7. Dialogen for angreloggen

Figur 13.21. Dialogen for angreloggen

Dialogen for angreloggen

Denne dialogen viser ei liste over kva du har halde på med i det siste, i det minste på det aktive biletet. Dei forandringane du har gjort blir forsøkt vist med ein miniatyr. Du kan tilbakeføra biletet til eitkvart av punkta på lista bare ved å klikke på den ønskte visinga i dialogen. Vil du vite meir om dette, kan du klikke deg inn på sida om å angre.

2.7.1. Aktivering

Dette er ein dialog som kan limast inn i andre dialogvindauge. Sjå nærare om dette i seksjonen Dialogar og tavler. Du kan aktivere dialogen på fleire måtar:

  • frå menyen i verktøyskrinet: Fil → Dialogar → Angrelogg

  • frå menyen i verktøyskrinet: Fil → Dialogar → Opprett nytt dialogvindauge → Penslar, mønsterelement og overgangar Dette valet opnar eit vindauge som inneheld fire dialogar der den ein av dei er angreloggen.

  • frå biletmenyen: Rediger → Angrelogg

  • frå biletmenyen: Dialogar → Angrelogg

  • eller frå ein annan dialogmeny: Legg til fane → Angrelogg

2.7.2. Å bruke angreloggen

Knappane nedst i dialogvindauget:

Angre

Denne knappen gjer det same som når du vel Rediger → Angre frå biletmenyen, eller trykker snartastane Ctrl-Z. Han opnar det førre biletet i angreloggen, altså det som ligg eitt hakk opp i dialogen.

Gjenta

Denne knappen gjer det same som når du vel Rediger → Gjenta frå biletmenyen, eller trykker snartastane Ctrl-Y. Han opnar det neste biletet i angreloggen, altså det som ligg eitt hakk ned i dialogen.

Tøm angreloggen

Denne knappen fjernar alt innhaldet i angreloggen, bortsett frå det aktive biletet. Dette er såpass drastisk at du får spørsmål om du verkeleg vil dette. Den einaste grunnen til å bruke denne knappen er dersom du er i ferd med å gå tom for ledig minne.

Forrige  Opp  Neste
2.6. Navigeringsdialogen   Hjem  3. Dialogar relaterte til biletinnhaldet