Figur 14.23. Dialogvindauget “Lage eit nytt bilete”

I staden for å skrive inn alle tala sjølv, kan du velje ein av dei ferdige malane frå malmenyen. Denne menyen inneheld malar med ferdigdefinerte innstillingar for storleik, oppløysing osv. for mange vanlege biletformat. Dersom du ofte bruker eit biletformat som ikkje står på denne lista, kan du lage ein ny mal ved å bruke maldialogen.

Her bestemmer du Breidde og Høgde på det nye biletet. Til vanleg blir dette målt i pikslar, men du kan endre dette etter eige ønskje ved hjelp av nedtrekkslista. Dersom du bytter måleeining, ver klar over at dette påverkar X- og Y-oppløysinga (som du kan justera i Avanserte innstillingar). Eventuelt kan du kontrollera resultatet med visninga “Punkt for punkt” i menyen Vis.

Når du opnar eit nytt bilete frå Fil-menyen i verktøyskrinet, blir det laga med verdiane sett i dialogen Innstillingar. Dersom du opnar biletet frå File-menyen i eit eksisterande bilete, vil verdiane bli dei same som i originalbiletet.

	Notat
	Du bør kanskje også ha i mente at kvar einaste piksel blir lagra i minnet til maskinen. Oppretter du store bilete med mengder av pikslar, vil dette føre til at GIMP bruker mykje minne og tid på kvar einaste funksjon du gjer på biletet.

Desse to knappane skifter visinga mellom portrett og lanskap. Dette blir gjort ved å bytte rundt verdiane for breidde og høgde. Er desse verdiane like, vil knappane vere deaktiverte. Dersom du opererer med ulike X- og Y-oppløysingar, som du kan setje i avanserte innstillingar, vil også verdiane for desse bytte plass. Til høgre for desse knappane finn du opplysningar om biletstorleik, oppløysing og kva fargemodell som er brukt.

Desse verdiane blir bare brukte når biletet skal skrivast ut. Normalt blir ikkje storleiken på skjermen påverka av desse verdiane. X- og Y-oppløysinga kan likevel påverka korleis pikslane skal overførast til andre måleeiningar som td. millimeter, dersom du bruker slike.

	Tips
	Ønskjer du å vise biletet på skjermen med korrekte dimensjonar vel du Vis → Punkt for punkt. Sett zoomfaktoren til 100% for å vise biletet i sann skjermstorleik. Normalt blir skjermen kalibrert når du installerer GIMP, men det kan også gjerast frå dialogen Innstillingar dialog.

Figur 14.25. Menyen for fargemodus

Du kan opna det nye biletet anten i RGB-modus eller som eit gråskalabilete.

RGB-farge: Biletet blir laga med eit fargesystem sett saman av Raud, Grøn og Blå. Det er dette fargesystemet som blir brukt av dataskjermen, eller TV-skjermen for den saks skuld.

Gråskala: Biletet blir laga i svart og kvit med mellomliggjande gråtoner. I tillegg til dei reint artisiske interessene dine, kan formatet også vere nødvendig for ein del programtillegg. Du kan alltid omforma eit RGB-bilete til gråskala-bilete om nødvendig.

Det er ikkje råd å lage eit indeksert bilete frå denne menyen. Sjølvsagt kan du likevel indeksere eit bilete, etter at du har laga det, med kommandoen Bilete → Modus → Indeksert.

Figur 14.26. Fyllmenyen

Her bestemmer du kva bakgrunnsfarge biletet skal ha. Om du er usikker, kan du bare velje eit eller anna. Det er fullt mogleg å bytte bakgrunnsfarge seinare. Du finn meir informasjon om dette i Lagdialogen.

Her kan du skrive inn ein merknad til biletet. Teksten blir lagt til i biletet som såkalla parasitt og kan også lagrast i noen av filformata som t.d. PNG, JPEG og GIF.

	Notat
	Du kan lese denne lagra kommentaren ved hjelp av Infovindauget.