Eksporterer histogrammet for biletet til ei tekstfil slik at det kan brukast av andre program og lastast inn i eit rekneark. Histogrammer er laga ut frå det merkte biletarealet. Fullt gjennomsiktige pikslar er ikkje tekne med.

Fila som vert laga er ei Utdataformat CSV-fil ("Comma Separated Values", kommadelte verdiar) som kan importerast direkte i dei fleste reknearka. Den første rada i CSV-fila er tittelrada. Det vert generert ei datarad for kvar «bøtte». Kvar pikselverdi kan vera i området 0 til 255 og vert inkludert i éi av bøttene avhengig av kva område bøtta representerer.

Den første kolonnen har tittelen «Områdestart» og inneheld startverdien for bøtta. Kolonnane etter inneheld verdiane for ulike kanalar. Kva kanalar som vert tekne med er avhengig av bilettypen. Kva verdien i kvar kanal er avhengig av kva som er sett i Utdataformat.

Områdestart,   Verdi,   Raud,   Grøn,   Blå
          0,     0.0,   0.0,   486.0,    0.0
          1,     0.0,   0.0,   300.0,    0.0
          2,     0.0,   0.0,   336.0,    0.0
          3,     0.0,   0.0,   399.0,    0.0
          4,     0.0,   0.0,   510.0,    0.0
          ....
      

Eksempelfila ovanfor vart generert for eit RGB-bilete ved å bruka utdataformatet Tel pikslar og ein bøttestorleik på 1. Rada som byrjar med nummer 3 beskriv den fjerde bøtta (teljinga byrjar med 0) og inneheld alle pikslane frå verdi 3 opp til, men ikkje med, verdi 4. Talet 399.0 i den rada kan då tolkast som «Det er 399 pikslar som har ein grøn verdi på 3».

Du har tilgang til filteret frå biletmenyen under Fargar → Info → Eksporter histogram.