| 6.27. Innrett synlege lag… | ||
|---|---|---|
|
6. Menyen «Bilete» |  |
| 6.27. Innrett synlege lag… | ||
|---|---|---|
|
|
6. Menyen «Bilete» | |
Kommandoen vert brukt til å setje nøyaktig posisjon for dei synlege laga, dvs. dei som er merkte med «auge»-ikonet i lagmenyen. Dette er særleg nyttig når du arbeider med animasjonar, som svært ofte har mange små lag. Klikkar du på kommandoen, opnar det seg eit dialogvindauge der du kan bestemme ein del verdiar for plasseringa.
![[Notat]](images/note.png)
|
Notat |
|---|---|
|
I GIMP 1.2 var det øverste synlege laget utgangspunktet for innrettinga. I GIMP 2 er utgangspunktet kantane på lerretet. Du kan også bruka botnlaget som basis for innrrettinga, sjølv om det ikkje er synleg, ved å markera for Bruk det (usynlege) botnlaget som basis i dialogvindauget. |
Figur 16.87. Eksempel på innretting
Eksempelbiletet inneheld fire lag på eit 150 x 150 pikslars lerret. Det raude kvadratet er 10 x 10 pikslar, det grøne rektangelet er 10 x 20 pikslar og det gule er 20 x 10 pikslar. Bakgrunnslaget, som er blått og på 100 x 100 pikslar, vert ikkje berørt av kommandoen sidan valet Ignorer det nederste laget er avkryssa i dialogvindauget. Legg merkje til at på grunn av posisjonen laga har i biletet, ser det ut som dei har ei anna rekkjefølgje på biletet enn i lagstakken. Det gule laget er topplaget på biletet, men det andre laget i lagstabelen.
Du har tilgang til denne kommandoen på biletmenyen via → . Det er ingen snartastar for dette valet. Dersom biletet inneheld berre eitt lag, får du melding om at funksjonen berre kan brukast når det er fleire lag i biletet.
Desse vala bestemmer korleis laga skal flyttast i høve til kvarandre. Du har valet mellom:
Ingen: Ingen endringar i nokon retning.
Samla: Dei synlege laga vert innretta slik det er bestemt i Vassrett basis og Loddrett basis. Dersom du set Vassrett basis til Høgre kant, kan du risikera at laga forsvinn frå lerretet. Du kan henta dei fram igjen ved å forstørra lerretet. Dersom du har markert for Bruk det (usynlege) botnlaget som basis, vert laga innretta på det øvre, venstre hjørnet av botnlaget.
Figur 16.90. Vassrett «Samla» innretting (etter kanten av lerretet)
Originalbiletet med lagstabelen
Laga er flytta slik at den venstre kanten er innretta etter den venstre kanten på lerretet.
Figur 16.91. Vassrett «Samla» innretting (etter botnlaget)
Originalbiletet med lagstabelen
Laga er flytt vassrettt slik at den venstre kanten fluktar med den venstre kanten til botnlaget.
Fyll (frå venstre til høgre); Fyll (frå topp til botn): Dei synlege laga vert innretta etter lerretet i høve til den kanten du valde med Vassrett basis eller Loddrett basis. Laga vert sett opp slik at dei ikkje overlappar kvarandre. Topplaget i stakken vert sett heilt til venstre, eller øvst) i biletet. Botnlaget vert sett lengst til høgre (eller nedst) i biletet. Dei andre laga vert fordelte jamt mellom desse to plasseringane. Dersom det er merkt av for Bruk det (usynlege) botnlaget som utgangspunkt, vert laga innretta i høve til den tilsvarande kanten i botnlaget.
Figur 16.92. Vassrett «Fyll» innretting (lerret)
Originalbiletet med lagstabelen
Vassrett fylling, venstre til høgre, utan avmerking for Bruk det (usynlege) botnlaget som basis. Topplaget i lagstabelen, det grøne, er sett heilt til venstre. Botnlaget i lagstabelen, det raude, er sett heilt til høgre. Det gule laget er sett mellom desse to.
Figur 16.93. Vassrett «Fyll» innretting (botnlaget)
Originalbiletet med lagstabelen
Dei same parametra som i det førre eksemplet, men med det nedre, blå, laget som basis.
Fyll (høgre til venstre); Fyll (botn til topp): Desse verkar som dei ovanfor, men i omvendt rekkjefølgje.
Figur 16.94. Loddrett «Fyll» innretting (botnlaget)
Originalbiletet med lagstabelen
Loddrett «Fyll» innretting, botn til topp. Botnlaget som basis
Det må vere minst tre synlege lag i biletet for å kunna bruka «Fyll»-innstillingane.
