8.2. Fargebalanse

8.2. Fargebalanse
	8. Menyen «Fargar»

Verktøyet for fargebalanse endrar fargebalansen i det gjeldande utvalet eller laget. Endringane er ikkje drastiske. Dette verktøyet er eigna for å korrigera dominerande fargar i digitale bilete.

	Notat
	Denne kommandoen verkar ikkje på bilete i gråtoner. Dersom biletet er i gråtoner er kommandoen kopla ut.

8.2.1. Aktivering av verktøyet

Du har tilgang til denne kommandoen på hovudmenyen via Fargar → Fargetbalanse….

8.2.2. Innstillingar

Figur 16.147. Innstillingar for fargeballanse

Forval: «Forval» er ein felles eigenskap for fleire fargekommandoar. Du finn nærare forklaring i Del 8.1.1, «Felles eigenskapar for fargar».
Vel området som skal justerast: Vel du ei av desse innstillingane, vert fargeområda som kan endrast med glidebrytarane eller innskrivingsboksane avgrensa for skuggar (mørke pikslar), mellomtonepikslar (medium pikslar) og høglyspikslar (lysaste pikslane).
Juster fargenivåa: Glidebrytarane og områda for dei tre RGB-fargane til komplementærfargane deira (CMY). Null svarar til den gjeldande nivåverdien i originalbiletet. Du kan endra pikselfargen anten mot raudt eller cyanblått, grønt eller magentaraudt, blått eller gult.
Tilbakestill området: Denne knappen set fagreverdiane tilbake til null (originalverdiane).
Behald lysverdi: Dette alternativet sikrar at lysstyrken til det aktive laget eller utvalet ikkje vert endra. Verdien av dei lysaste pikslane vert ikkje endra.
Blandingsalternativ, førehandsvising og delt vising: Dette er felles eigenskapar forklarte i Del 8.1.1, «Felles eigenskapar for fargar».