4.2. Biletdialogvindauget

4.2. Biletdialogvindauget
	4. Dialogvindauge relaterte til bilethandsaminga

Figur 15.72. Biletdialogvindauget

Biletdialogvindauget viser ei liste med miniatyrar over alle bileta du har på skjermen. Denne lista er spesiell nyttig når du har mange bilete framme samtidig i og med at du kan bruka ho til å lyfta eit bestemt bilete til fremst på skjermen.

4.2.1. Aktivering

Vindauget «Bilete» er eit dokkpanel som kan limast inn i andre dialogvindauge. Sjå nærare om dette i Del 2.3, «Dialogvindauge og dokkpanel».

Du har tilgang til det:

frå biletmenyen via Vindauge → Dokkpanel → Bilete,
frå fanemenyen i kva dokkpanel som helst ved å klikka på fana og velja Legg til fane → Bilete.

Dersom minst eitt dialogvindauge er ope, kan du i menyen Vindauge finn ei liste over løyste vindauge. Du kan i tilfelle lyfta biletdialogvindauget frå biletmenyen med Vindauge → Bilete.

4.2.2. Å bruka biletdialogvindaget

I multivindauge-modus vil du øvst i dialogvindauget finne ei nedtrekksliste over opna bilete dersom Vis biletutvalet er avkryssa i fanemenyen.

Dersom miniatyrane vert viste på listeform, vert det gjeldande biletet utheva. På tabellform vert det sett ei ramme rundt det gjeldande biletet. Dersom du klikkar på eit av biletnamna, vert dette biletet det gjeldande, dvs. det biletet som knappane i dialogvindauga verkar på. Dobbeltklikkar du på biletnamnet, vert biletet lyft opp til fremst på skjermen.

Vis som tabell/liste, storleik på miniatyrane

Frå fanemenyen i bufferdialogvindauget kan du velja mellom to ulike visingsformer: Vis som tabell, som viser bufferen i nettopp tabellform, og Vis som liste, som viser bufferane linje for linje der kvar linje viser ei førehandsvising av bufferinnhaldet, namnet og storleik i pikslar. Sjå i Del 2.3, «Dialogvindauge og dokkpanel» korleis du kan tilpassa førehandsvisinga.

	Tips
	Tastekombinasjonen Ctrl + F opnar ei søkefil. Sjå Vis som liste/rutenett

Du kan endra storleiken på førehandsvisinga i dialogvindauget ved hjelp av undermenyen «storleik på førehandsvisinga» i fanemenyen.

Knappar: Dersom valet «vis knappane» er slått på, vil du nedst i dialogvindauget ha tre knappar som verkar på det gjeldande biletet. Dei same kommandoane er tilgjengelege i menyen som kjem fram dersom du høgreklikkar på dialogvindauget.
Løft visinga av dette biletet: Det valde biletet vert vist fremst på skjermen. Dersom biletet har ei anna vising, vert denne lagt like under originalen. Du kan få det same resultatet ved å bruka valet «lyft visinga» i sprettoppmenyen som kjem fram når du høgreklikkar på dialogvindauget.
Opprett ei ny vising for dette biletet: Kopierer biletvindauget (ikkje biletet) for det valde biletet.
Slett biletet: Denne kommandoen verkar berre på bilete som er lasta inn utan vindauge. Bileta kan likevel opnast med kommandoen «Nytt vindauge» dersom det alt er opna utan vindauge med ein av dei primitive prosedyrekommandoane som t.d. gimp-image-new, file-png-load osv. Eit slikt bilete kan ikkje slettast sjølv om vindauget vert lukka som det siste vindauget. Du må då bruka denne kommandoen for å lukka det.


4. Dialogvindauge relaterte til bilethandsaminga		4.3. Dokumentlogg