6.33. Innstillingar for rutenettet…

6.33. Innstillingar for rutenettet…
	6. Menyen «Bilete»

Kommandoen innstillingar for rutenettet vert brukt for å bestemma utsjånaden for rutenettet du kan leggja over biletet for å gjere tilpassingane meir nøyaktige. Du kan velja farge for nettet, avstanden mellom linjene og forskyving i høve til biletet. Endeleg kan du også velja mellom fem ulike rutemønster.

6.33.1. Aktivering

Du har tilgang til denne kommandoen på biletmenyen via Bilete → Innstillingar for rutenettet….

6.33.2. Beskriving av dialogvindauget «Innstillingar for rutenettet»

Figur 16.98. Dialogvindauget «Innstillingar for rutenettet»

Utsjånad

Du brukar dette dialogvindauget for å bestemma utsjånaden på det rutenettet som kjem fram når du slår på rutenettet.

Linjestil

Kryss (prikkar): Dette er den minst iaugnefallande stilen, med ein liten prikk i kvart krysningspunkt.
Kryss (trådkors): Dette er normalstilen, og syner eit lite kryss i kvart av krysningspunkta.
Stipla: Denne stilen viser stipla linjer. Dersom desse linjene er svært nære kvarandre, kan det verta vanskeleg å bruka rutenettet.
Dobbeltstipla: Denne stilen viser stipla linjer der fargen på linjene vekslar mellom forgrunnsfargen og bakgrunnsfargen annakvar gong.
Heiltrukke: Denne stilen viser heiltrukne linjer i forgrunnsfargen.

For- og bakgrunnsfarge

Klikk på fargeruta for å velja ein ny farge for rutenettet.

Mellomrom

Breidd og høgd: Du bestemmer her cellestorleiken for nettet, dvs. avstanden mellom linjene, i den måleeininga du ønskjer.

Forskyving

Breidd og høgd: Du bestemmer kor mykje rutenettet skal forskyvast i forhold til biletet. Koordinata har, som vanleg, utgangspunkt i øvre, venstre hjørne (0,0).