8.47. Stress

8.47. Stress
	8. Menyen «Fargar»

8.47.1. Oversyn

Figur 16.236. Eksempel på bruk av «Stress» tonetilordning

Originalbiletet

Filter brukt med standardinnstillingar, etter endring av biletpresisjonen i GIMP til 32-bits desimalpunkts lineært lys.

Filteret brukt med 15 prøvepunkt og 20 gjentakingar.

Dette filteret brukar ei Spatio Temporal Retinex-liknande innpakking med Stokastisk Sampling (STRESS). Algoritmane fungerer ved å rekna ut kvar piksel på nytt ved å bruka innpakking for lokale øvre og nedre grenser i biletet. Innpakkinga er gjort ved å jamna ut nabopikslar og kan tolkast som ein lokal maksimum- og minimum-referanse. Denne metoden kan brukast til lokal kontraststrekking, automatisk fargekorrigering, biletgjengjeving med høgt dynamisk område, fargespekterkartlegging i rommet og farge- til gråtonekonvertering med gode resultat.

Basert på Ø. Kolås, I. Farup, og A. Rizzi, «Spatio-temporal retinex-inspired envelope with stochastic sampling:A framework for spatial color algorithms», Journal of Imaging Science and Technology, vol. 55, no. 4, pp. 1–10, 2011.

	Notat
	Filteret er sakte på store bilete. For å finna dei beste innstillingane kan du gjera eit lite, relevant utval for å prøva filteret og lagra innstillingane som forval før du brukar det på heile biletet.

8.47.2. Aktivering av filteret

Du finn dette filteret i menyen i biletvindauget under Fargar → Tonetilordning → Stress….

8.47.3. Innstillingar

Figur 16.237. Dialogvindauget for filteret «Stress»

Forval: «Forval» er ein felles eigenskap for fleire fargekommandoar. Du finn nærare forklaring i Del 8.1.1, «Felles eigenskapar for fargar».
Radius: Nabolaget som vert teke med for forbetring er ideelle verdiar nær den lengste sida av biletet (som kan vera anten breidde eller høgde). Å auka denne verdien gjer filteret treigare.
Prøver: Kor mange prøver som skal takast ved kvar gjennomgang på jakt etter fargeområdet.
Gjentakingar: Talet på gjentakingar. Mange gjentakingar gjer at det vert mindre støy i biletet, men gjer at filteret treng meir tid.
Forbetra skuggane: Når dette er slått på, vert også skuggeområda forbetra. Når det er slått av, vert resultatet meir naturleg.
Inngangstype, klipping, blandeinnstillingar, førehandsvising og delt vising: Dette er felles eigenskapar forklarte i Del 8.1.1, «Felles eigenskapar for fargar».