8.46. Reinhard 2005

8.46. Reinhard 2005
	8. Menyen «Fargar»

8.46.1. Oversyn

Figur 16.234. Eksempel på bruk av «Reinhard 2005» tonetilordning

Originalbiletet

Filter brukt med standardinnstillingar, etter endring av biletpresisjonen i GIMP til 32-bits desimalpunkts lineært lys.

Dette filteret kan brukast til å tilpassa eit bilete med eit høgt dynamisk område (HDR) for presentasjon med bruk av eit lågt dynamisk område. Dette er ein effektiv, global operator avleidd frå enkle fysiologiske observasjoner, som lagar luminans innføre området 0,0-1,0.

Denne tonetilordningstilnærminga vart opphavleg presentert av Reinhard, E. og Devlin, K. (2005). «Dynamic range reduction inspired by photoreceptor physiology.» I: IEEE Transactions on Visualization and Computer Graphics, 11(1) (2005), pp. 13–24.

	Notat
	Sjølv om det ikkje er så sakte som filtra Fattal og Mantiuk, er Reinhard-filteret likevel nokså tidkrevjande på store bilete. For å finna dei beste innstillingane for biletet, kan du laga eit lite, representativt utval og prøva ut filteret på det. Finn du høvelege innstillingar, lagrar du desse som forval og brukar dei på heile biletet.

8.46.2. Aktivering av filteret

Du finn dette filteret i menyen i biletvindauget under Fargar → Tonetilordning → Reinhard 2005.

8.46.3. Innstillingar

Figur 16.235. Dialogvindauget for filteret «Reinhard 2005»

Forval: «Forval» er ein felles eigenskap for fleire fargekommandoar. Du finn nærare forklaring i Del 8.1.1, «Felles eigenskapar for fargar».
Lysstyrke: Generell lysstyrke på biletet
Kromatisk tilpassing: Tilpassing til fargevariasjonar på tvers av biletet
Lystilpassing: Tilpassing til lysvariasjonar på tvers av biletet
Inngangstype, klipping, blandeinnstillingar, førehandsvising og delt vising: Dette er felles eigenskapar forklarte i Del 8.1.1, «Felles eigenskapar for fargar».