6.3. Støvfjernar

6.3. Støvfjernar
	6. Forbetringar

6.3.1. Oversyn

Figur 15.84. Eksempel på bruk av filteret

Originalbilete

Etter bruk av filteret “Støvfjernar”

Du har tilgang til filteret frå biletmenyen via Filter → Forbetre → Støvfjernar

Dette filteret blir helst brukt for å fjerne støvflekkar og riper på eit skanna foto, men kan også fjerne moiré-mønster på bilete skanna frå t.d. eit blad. For å unngå uventa effektar på resten av biletet, må du isolera defektane før du bruker filteret.

6.3.2. Innstillingar

Figur 15.85. Innstillingane for filteret “Støvfjernar”

Førehandsvising

Førehandsvisinga syner forandringane før du legg dei inn i biletet.

Median

Tilpassa: Dersom denne er aktivert, blir radius for innhaldet i biletet eller markeringa bestemt ut frå eit Histogram. Glidebrytaren Radius er i så tilfelle ikkje aktiv. Denne innstillinga gir som oftast eit betre resaultat enn når du stiller inn radius for hand.
Rekursiv: Dersom denne er avmerka, blir filteret køyrd fleire gonger. Verknaden blir såleis forsterka.

Innstillingar

Radius: Her bestemmer du kor stort område filteret skal verke på. Skalaen går frå 1 (3 × 3 pikslar) til 20 (41 × 41 pikslar). Brytaren verkar ikkje dersom det er merka av for innstillinga Tilpassa.
Svartnivå: Fjernar pikslar som er mørkare enn innstillinga på denne glidebrytaren (0-255).
Kvitnivå: Fjernar pikslar som er lysare enn innstillinga på denne glidebrytaren (0-255).