9.26. Still inn rutenett

9.26. Still inn rutenett
	9. Menyen “Bilete” i biletmenyen

Revisjonshistorie
Revisjon $Revision: 1891 $	2007-02-20	KoSt

Kommandoen Still inn rutenett blir brukt for å bestemma utsjånaden for rutenettet du kan legge over biletet. Du kan velje farge for nettet, avstanden mellom linjene og forskyving i høve til biletet. Endeleg kan du også velje mellom fem ulike mønster.

9.26.1. Aktivering

Du har tilgang til denne undermenyen på biletmenyen via Bilete → Still inn rutenett.

9.26.2. Beskriving av dialogen “Still inn rutenett”

Figur 14.75. Beskriving av dialogen “Still inn rutenett”

Utsjånad

Du bruker dette dialogvindauget for å bestemma utsjånaden på det rutenettet som kjem fram når du aktiverer rutenettet.

Linjestil

Kryss (prikkar): Dette er den minst iaugnefallande stilen, med ein liten prikk i kvart krysningspunkt.
Kryss (trådkors): Dette er normalstilen, og syner eit lite kryss i kvart av krysningspunkta.
Stipla: Denne stilen viser stipla linjer. Dersom desse linjene er svært nære kvarandre, kan rutenettet bli vanskeleg å bruke.
Dobbeltstipla: Denne stilen viser stipla linjer der fargen på linjene vekslar mellom forgrunnsfargen og bakgrunnsfargen annakvar gong.
Samanhengande: Denne stilen viser heiltrukne linjer i forgrunnsfargen.

For- og bakgrunnsfarge

Klikk på fargeruta for å velje farge for rutenettet.

Mellomrom

Breidde og høgde: Du bestemmer her cellestorleiken for nettet, dvs. avstanden mellom linjene, i den måleeininga du ønskjer.

Forskyving

Breidde og høgde: Du bestemmer kor mykje rutenettet skal forskyvast i forhold til biletet. Koordinata har, som vanleg, utgangspunkt i øvre, venstre hjørne (0,0).


9.25. Fjern alle hjelpelinjer		10. Menyen “Lag” i biletvindauget