5.19. Relieff (tradisjonell)

5.19. Relieff (tradisjonell)
	5. Forvrengningsfiltera

5.19.1. Oversyn

Figur 17.104. Eksempel på bruk av filteret «Relieff (tradisjonelt)»

Originalbiletet

Filteret «Relieff (tradisjonelt)» brukt

Filteret omformar biletet slik at det liknar på eit relieff. Lyse område vert løfta og mørke område vert senka. Du har full kontroll over kor sterk relieffverknaden skal verta.

Dette filteret kan berre brukast på RGB-bilete. For andre fargemodus er filteret utilgjengeleg.

5.19.2. Aktivering av filteret

Du har tilgang til dette filteret frå biletmenyen via Filter → Forvrengingar → Relieff (tradisjonelt)….

5.19.3. Innstillingar

Figur 17.105. Innstillingane for filteret «Relieff (tradisjonelt)»

Førehandsvising

Førehandsvisinga syner endringane i biletet etter kvart som du endrar parametera. Endringane vert ikkje lagt inn i biletet før du trykkjer på knappen OK. Du kan slå av førehandsvisinga dersom datamaskinen av ein eller annan grunn arbeider svært tregt.

Funksjon

Punktkopling: Gir ein mjuk relieffverknad i originalfargane.
Relieff: Gir eit meir markert relieff i gråtoner. Liknar meir på relieff laga i metall.

Asimut

Denne kontrollen bestemmer kva himmelretning lyset skal kome frå. Utgangspunktet 0° tilsvarar aust (frå høgre), 90° tilsvarar nord (ovanfrå), 180° vest (frå venstre) og 270° sør (nedanfrå).

Elevasjon

Denne kontrollen bestemmer kva himmelhøgde lyset skal kome frå («solhøgda»). Utgangspunktet er 0° som tilsvarar at lyset kjem frå horisonten. 90° betyr at lyset kjem rett ovanfrå (zenith) og 180° at lyset kjem frå motsett horisont.

Djupn

Humpane vert høgare og hola djupare når «Djupn» vert auka.