6.3. Supernova

6.3. Supernova
	6. Lys- og skyggefiltera

6.3.1. Oversyn

Figur 17.111. Eksempel på bruk av filteret

Originalbiletet

Eksempel på bruk av filteret «Supernova»

Dette filteret lager ei stor stjerne med stråler i biletet. Filteret verkar både på gråskala- og RGB-bilete. Lysmengda avtar omvendt proporsjonalt med avstanden frå midten av stjerna.

6.3.2. Aktivering

Du finn dette filteret i menyen i biletvindauget under Filter → Lys og skugge → Supernova….

6.3.3. Innstillingar

Figur 17.112. Innstillingane for filteret «Supernova»

Forval, «inngangstype», klipping, blandingsinnstillingar, førehandsvising, delt vising

	Notat
	Desse innstillingane er omtalte i Del 2, «Felles eigenskapar».

Senter X, Senter Y

Du kan bruka innskrivingsboksane og setja vassrett (X) og loddrett (Y) koordinat for midtpunktet av supernovaen. Du kan også klikka og dra midtpunktet i førehandsvisinga.

Radius

Dette er radius for senterområdet til supernovaen. Den øvre grensa ser ut til å vera uendeleg. Når du aukar verdien, vert talet på sentrale kvite pikslar auka etter formelen r · r, (1, 4, 9 …), altså kvadratet av avstanden.

Radius vert representert med ei vassrett linje med eit kryss i enden i førehandsvisinga. Du kan klikka og dra dette krysset for å endra radiusen.

Talet på stråler

Her bestemmer du kor mange stråler (1-1024) supernovaen skal sende ut.

Tilfeldig kulør

Tilfeldige fargestråler. Verdiane (0 til 360) ser ut til å vera på HSV-fargesirkelen.

Farge

Klikk på fargeruta for å opne det vanlege fargedialogvindauget for å bestemma fargen på effekten.

Det er også ein fargeplukkar. Når denne er vald, vert musepeikaren endra til eit kvadrat. Dette viser kor stor fargeprøven er. Du kan endra storleiken i vindauget for GEGL-operasjonar i verktøykassa.

Tilfeldig frø

Filtereffekten sett tilfeldig. Du kan endra frø.