5.16. Drei og knip

5.16. Drei og knip
	5. Forvrengningsfiltera

5.16.1. Oversyn

Figur 17.97. Eksempel på bruk av filteret «Drei og knip»

Originalbiletet

Filteret brukt

«Drei og knip» forvrenger biletet på ein konsentrisk måte.

«Drei» lagar om biletet til noko liknande straumkvervelen som kan oppstå når du tømmer badekaret. Roteringsvinkelen må i tilfelle vera ulik null.

«Knip», utan rotasjon, verkar omlag som om du har fest biletet på eit stykke mjuk gummi og bøyer og strekkjer denne gummibiten. Dersom Vrengingsmengda er negativ, vil biletoverflata sjå ut som ho sveller oppover, medan ein positiv verdi resulterer i ei biletflate som vert trykt ned ovanfrå.

	Tips
	Effekten av «Knip» kan av og til kompensera for forvrengingar i bilete tatt med tele- eller fiskeaugeobjektiv.

Figur 17.98. Illustrasjon

Original

Dreid

Knipt

5.16.2. Aktivering

Du har tilgang til dette filteret frå biletmenyen via Filter → Forvrengingar → Drei og knip.

5.16.3. Innstillingar

Figur 17.99. Innstillingane for filteret «Drei og knip»

Forval, «inngangstype», klipping, blandingsinnstillingar, førehandsvising, delt vising

	Notat
	Desse innstillingane er omtalte i Del 2, «Felles eigenskapar».

Virvel

Kontrollerer kor mange grader den påverka delen av biletet skal roterast med eller mot klokka (-360° til 360°).

Knip

Bestemmer kor mykje den påverka delen av biletet skal knipast. Verdi -1 til +1.

Radius

Virvelbreidda (0,0 - 2,0). Bestemmer kor mykje av biletet som skal påverkast av deformeringa. Ein radius på 2,0 vil påverka heile biletet. Set du radius til 1, vert halve biletet påverka. Viss radius vert sett til 0 , vert ingenting påverka. Du kan tenkja på radius som ein sirkel med 0 i midten og 1 halvvegs ut.