Figur 17.164. Eksempel på bruk av filteret

Originalbiletet

Filteret «DoG kantfinning» brukt med radius 1 = 1,000 og radius 2 = 0,100.

Dette filteret finn kantane med den såkalla «Difference of Gaussians»-algoritmen (dette er årsaka til namnet på filteret), som utfører to gaussiske sløringar på biletet med litt ulike sløringsradiusar og deretter subtrahere resultata. Denne algoritmen er mykje brukt i kunstig syn (kanskje også i biologisk syn), i og med at han arbeider raskt og likevel sikkert. Dei viktigaste innstillingane er sløringsradius for dei to køyringane. Truleg er det enklaste å setja radiusane ved å bruka førehandsvisinga. Aukar du den minste radiusen, vil dette ofte føra til tjukkare kantar, medan å redusera den største radiusen har ein tendens til å auka «terskelen» for å kjenna igjen ein kant. I dei fleste tilfella vil du få betre resultat viss Radius 2 er mindre enn Radius 1, men sjølvsagt kan du prøva å byta om på desse. Har du ein lys figur på mørk bakgrunn, kan resultatet verta betre om du byter rundt på verdiane.

Du finn dette filteret i Filter → Finn kantar → DoG kantfinning….