3.4. Støvfjernar

3.4. Støvfjernar
	3. Forbetringsfiltra

3.4.1. Oversyn

Dette filteret blir helst brukt for å fjerne støvflekkar og riper på eit skanna foto, men kan også fjerne moiré-mønster på bilete skanna frå t.d. eit blad. For å unngå uventa effektar på resten av biletet, må du isolera defektane før du bruker filteret.

3.4.2. Aktivering

Du har tilgang til filteret frå biletmenyen via Filter → Forbetra → Støvfjernar

3.4.3. Innstillingar

Figur 16.23. Innstillingane for filteret «Støvfjernar»

Førehandsvising

Når denne er avkryssa, vil innstillingane bli viste i førehandsvisinga.

Median

Tilpassande: Dersom denne er aktivert, blir radius bestemt ut frå eit histogram. Glidebrytaren Radius er i så tilfelle ikkje aktiv. Denne innstillinga gir som oftast eit betre resultat enn å bruke radius åleine.
Rekursiv: Dersom denne er avmerka, blir filteret køyrd fleire gonger for å forsterka verknaden.

Radius

Her bestemmer du kor stort område filteret skal verke på. Skalaen går frå 1 (3 × 3 pikslar) til 20 (41 × 41 pikslar). Etter som vindauget flytter seg over biletet blir fargane i det glatta ut. Dette kan føre til at småfeil forsvinn.

Svartnivå

Fjerner pikslar som er mørkare enn innstillinga på denne glidebrytaren (0-255).

Kvitnivå

Fjerner pikslar som er lysare enn innstillinga på denne glidebrytaren (0-255).