Dette filteret blir brukt for å fjerne loddrette striper som t.d. kan ha oppstått på grunn av ein feil ved skannaren. Filteret legg til eit biletmønster som interfererer med biletet og fjerner stripene dersom det er råd å finne ei brukbar innstilling. Dette «negative» biletmønsteret blir rekna ut frå loddrette element i biletet, så ikkje bli overraska om filteret lager nye striper i eit bilete som eigentleg er utan striper. Dette skjer nokså sikkert dersom verdien i Breidde er sett for høgt.

Blir ikkje resultatet slik du hadde håpt på, bruk angrefunksjonen og prøv med ny innstilling. Ikkje kast bort tid med å køyre filteret omigjen. Dette fører (nesten) alltid til dårlegare resultat. Er det berre er ein liten del av biletet som har uønskte striper, kan du prøve å markere berre stripene og køyre filteret på utvalet.

Du har tilgang til dette filteret frå biletmenyen via Filter → Forbetringar → Fjern striper