Det venstre panelet er delt i to. I den øvre delen finn du ei liste over hovudkatalogane og tilgjengelege lagringsmedia. Du kan ikkje gjere endringar i denne lista. Den nedre delen viser bokmerka dine. Du kan legge til eller fjerne desse etter behov. For å legge til eit bokmerke, vel du ein katalog eller ei fil i midtpanelet og trykker på knappen Legg til. Dersom maskinen din er sett opp slik, kan du også bruke Legg til bokmerke i menyen som kjem fram når du høgreklikkar. Du kan fjerne eit bokmerke ved å markera ønskt merke og trykke på knappen Fjern.

Det midtre panelet viser kva filer som finst i den valde katalogen. Her kan du dobbeltklikka på eit katalognamn for å bytte katalog. Du vel ut ei fil ved å klikka på filnamnet ein gong og deretter trykke på knappen Opna, eller enklare, ved å dobbeltklikka på filnamnet.

Er maskinen din sett opp slik, kan du høgrekklikka i midtpanelet for å få fram dialogvindauget Opna adresse. Dersom dette ikkje verkar, prøv med tastesnarvegen Ctrl-L.

Dersom GIMP kjenner igjen filformatet, vil biletet bli vist i vindauget heilt til høgre, saman med opplysningar om filnamn, filstorleik og oppløysinga for biletet.

	Tips
	Dersom biletet er endra av eit anna program, kan du klikka på vindauget Førehandsvising for å oppdatera det.

Banen for den opna fila blir vist over det midtre panelet. Du kan klikka på knappane for å navigera deg fram i katalogane.

Denne knappen syner normalt Alle filer. Dette betyr at alle filtypane blir viste i midtpanelet, også om dei ikkje er biletfiler. Du kan filtrere denne visinga til ein bestemt filtype.

Den vesle knappen Vel filtype er normalt sett til Funne automatisk. Til vanleg vil GIMP bestemma filtypen automatisk. Dermed treng du normalt ikkje bry deg om denne innstillinga anna enn i dei heilt sjeldne tilfella der det er uråd å bestemma filtypen ut frå filendinga og interne fildata, og du må velje frå lista.